தீயைத் தின்பவள்.

இவள் தனது பார்வையைத் தாழ்த்தி
நிலத்தை விழுங்கிக்கொண்டு நடக்கப்பழகி
நீண்ட நாட்களாகி விட்டன.

பேராவல்களும் பெருஞ்சிக்கல்களும்
சூழ்ந்துண்ட இச்சமூகப் பெருவெள்ளத்தில்
இவள் தனித்தலையும் ஒற்றை ஆத்மா.

காலம் இவளைத் தனது கால்களின் கீழ்வைத்து
முற்பிறப்பின் பழி தீர்ப்பது போல
மெதுவாகப் புதைத்துக் கொண்டிருக்கிறது.

இவள் வெற்றுவாய் மனிதரின்
சொற்களென்னும் தீயைத்
தினமும் தின்று நடமாடுமொரு கூடு.

வி. அல்விற்.
09/11/2018.