மீண்டு வரும் இந்த நாளில்
நம்பிக்கைகளும் பிடிப்புக்களும்
உதிர்ந்து முடிந்தன
தண்ணீர் காணா பாலை நிலமாயிற்று
வெறு வெளியில்
ஈரமில்லா மனிதர்கள்
தடிப்பான கால்களால் மிதித்து
தமக்குள் மகிழ்ந்து கொண்டனர்
ஆகாய வெளியெங்கும்
மோதி எழுந்த குரல்கள்
எந்தச் செவிப்பறையையும்
சென்றடையவேயில்லை
எழுதப்பட்ட மனித உரிமைச் சாசனங்கள்
மூடியபடியே கிடந்தன
உரிமைகளும் சுதந்திரமும்
வாழ்வும் வளமும்
பலமுள்ளவனுக்கே யென
கன்னத்திலறைந்து
சொல்லிப் போன நாளிது
நாகரிக உலகின் நிர்வாணம்
பிரபலப் படுத்தப்பட்ட நாளிது
வி.அல்விற்.
செவ்வாய், 21 மே, 2013
திங்கள், 13 மே, 2013
ஏரிதழல்
எரிதழலில் வெந்து அழிந்த
எரியாக் கனவுத் தேசம்
எத்தனை முகம் கொண்டு
பகுத்தின்று எறிந்திட்டதே
அத்தனையும் சிரம் கொளாது
பித்தராய்ப் பிதற்றுகின்றதே
குற்ற மெங்கணும் காணில்
சுற்றமது போய்விடுமே
பத்தோடு பதினொன்றாய்
வீழ்வதில் என்ன பலன்
பற்றோடு ஏற்றம் பெற
பெற்றிடுவீர் பெரு வீச்சம்
பட்ட மரமாச்சே பூமி
பட்டினியில் அழுந்துகிறதே
கத்து கடல் நந்தவனம்
கத்திப் பரிதவிக்கிறதே
விட்டகலாக் காட்சிகளே
வெஞ்சினத்தின் வேராயிற்றே
சித்தமெலாம் கலங்கி மீதி
செத்தவராய் திரிகின் றனரே
புத்தன் வந்து புத்தி சொல்லுவனோ
பெற்றவர் தொலைத்ததை
பெற்றுக் கொடுப்பானோ
பற்றும் வளைக்கரம் காத்திடுவானோ
எத்தகை பாவம் செய்த தென் மண்
இத்தனை உடலம் வீழ்வதற்கு
மந்தையாய் போகாதீர் மாண்புடையீர்
எந்தையும் தாயும் சேர்ந்த நம்மண்
சிந்தை தெளிவோடு கூர்வன செய்வீர்
மெத்தனம் பண்ணாது வித்தகம் செய்வீர்
வெள்ளி, 10 மே, 2013
வெள்ளி, 3 மே, 2013
புதன், 1 மே, 2013
எதிர்காலம்?
மடி வந்த நாள் முதல்
இடைவிடாக் கனவுகள்
கொடியாய் தொடர்ந்திடும் நலம் நாடி
பிடி விரலுள் ஓடும் நம்பிக்கையில்
பிடிபடும் வாழ்வில் வெற்றிக்கனி
தொடு வானம் எட்டிடும் புகழொடு
வலம் வரும் வீறு நடை காண
உடலுருக்கி அகமுருக்கி
வாரியிறைத்து மகிழ்வித்து
கூடவே மந்திரியாய்
ஆக்கம் விளை சொல் கொடுத்து
பாதை போட்டும்
விடை தெரியாக் கேள்வியே
பல அன்னையர் முன்
பயமுறுத்தி நிற்கின்றது
இடைவிடாக் கனவுகள்
கொடியாய் தொடர்ந்திடும் நலம் நாடி
பிடி விரலுள் ஓடும் நம்பிக்கையில்
பிடிபடும் வாழ்வில் வெற்றிக்கனி
தொடு வானம் எட்டிடும் புகழொடு
வலம் வரும் வீறு நடை காண
உடலுருக்கி அகமுருக்கி
வாரியிறைத்து மகிழ்வித்து
கூடவே மந்திரியாய்
ஆக்கம் விளை சொல் கொடுத்து
பாதை போட்டும்
விடை தெரியாக் கேள்வியே
பல அன்னையர் முன்
பயமுறுத்தி நிற்கின்றது
இதற்கு குழுசேர்:
இடுகைகள் (Atom)