உள்ளே...
நான் ஒரு செக்குமாடு
நான் ஒரு வேட்டை நாய்
நான் ஒரு கூண்டுப்பறவை
நான் ஒரு பந்தயக் குதிரை
என்னை நானாக
கண்டு கொள்ளாத உலகம்
விந்தையாக இருக்கிறது
வேதனை மூட்டைகளுடன்
நான் என்னும் உடலம்
நடமாடுவதை
புரிந்து கொள்ள
இங்கே யாருமில்லை
பாலைவனத்தில் தாகத்தோடு
நான் உலா வருவதை
நோக்குவார் எவருமில்லை
பொருளுலகம் தனக்குள்
சுழன்று கொண்டிருக்கிறது
முதலாமிடத்தைப் பெற
என்னைப் பொம்மையாகச்
சுழல விட்டு
தங்களை அழகாக
நோக்க வைக்க
நான் முடுக்கி
விடப்பட்டுள்ளேன்
வியாபாரக் கல்விக்
காட்சியறையில்.
வி. அல்விற்.
19.07.2015.