முழுமையாய் விழுங்கியிருக்கும்
வாழ்நாள் பெரும் துன்பத்தை
விலத்துவதிலேயே காலம் கரைகிறது
இடிபாடுள்ள தெருக்களும்
தட்டி வீழ்த்தும் மாந்தர்களும்
மூச்சு முட்டும் செயற்கைகளும்
நொருங்கியுள்ள உறவுகளும்
இறுக்கியுள்ள நெருக்கடிகளும்
நசுக்கிக் கொண்டிருக்கும் அழுத்தங்களும்
இப்பெரும் துன்பத்தை விட
பெரிதாயில்லை வேறொன்றும்
ஒரு கணப் புன்னகையின் விலை
பல நாள் ஈரச் சுமையாயுள்ளது
தொலைதூரப் பயணத்துக்கு
தயாராகவேயுள்ள வண்டி
வெகு விரைவில் வந்தால்
விட்டு விடுதலையாகலாம்
கருத்துகள் இல்லை:
கருத்துரையிடுக