என் இருப்பிடமும் அதன் வாசலும்
பேயுறையும் மாளிகையாய்
மூடிக் கிடப்பதே மேல்
தோப்புக்கள் அடர்ந்து
காடுகளாவது சாலச் சிறந்தது
எம் வளம் உறிஞ்சி
அவன் வளம் பெறுவதை விட
வயல்வெளி யெங்கும்
பற்றைகளாகி வானம் பார்த்து
அழுவதே சிறப்பு
எம் செம்மண் அலசி
அவன் தன் ஏலம் கூட்டுவதை விட
என் இருப்பிடமும் அதன் வாசலும்
பேயுறையும் மாளிகையாய்
மூடிக் கிடப்பதே மேல்
எவனோ ஒருவன் உறுதி எழுதி
அதன்மேல் நடந்து
என்னெஞ்சை மிதிப்பதை விட.....
வி.அல்விற்.
10.07.2013.
கருத்துகள் இல்லை:
கருத்துரையிடுக