என் விருப்பம்!!
மறுத்த கணங்கள் அத்தனையும்
என் இருப்புக்கான குழியை
நானே வெட்டிக் கொண்டதாகிப் போயின
எனக்கு நானே
விடுகதையைப் போட்டுக் கொண்டேன்
விடுவிக்க முடியாதவைகளாய்
பெரும்புதிராகி விருட்சமாகையில்
கோபமும் வெறுப்புமே
கனிந்து குலுங்கின ருசிக்க முடியாதபடி
அறிந்திருந்தவை அனைத்துமே
வெளிச்சத்தில்
பொசுங்கிப் போயின தடயமின்றி
உள்ளதும் இல்லாததுமாய்
நானேயாகியதில்
நாளை வெட்டிய குழிக்குள்
என்னைக் கிடத்திக் கொள்கையில்
மூடப்படுவேன் கேட்க விரும்பாத
சைகைகளால்
நான் கேட்க விரும்பியவையோ
காற்றிலே அலைந்து கொண்டிருக்கும்
இன்னோர் இடம் தேடி
முற்றுப் பெறுவதற்காய்.
வி.அல்விற்.
12.05.2014.
கருத்துகள் இல்லை:
கருத்துரையிடுக