மழைத்துளிகள் அனுமதியுடன் நிலம் சேர்வதில்லை
கடல் அலைகள் சொல்லிக் கொண்டு ஆர்ப்பதில்லை
காற்று வழி கேட்டு அலைவதில்லை
பருவகாலங்கள் மாற்றத்துக்குக் காத்திருப்பதில்லை
இயற்கையின் பொதுமுறைச் சமநிலையை
சைகைகளால் கைகோர்த்து சேர்ந்தே ஆள்கின்றன
பேதங்களும் வாதங்களும்
ஆதிக்கங்களும் அடித்து வீழ்த்துதல்களும்
துரோகங்களும் பல்லிளிப்புக்களும்
சொல்லவியலாச் சுயநலன்களுமாய்
பொதிகளைச் சுமந்து வருந்தி நலிந்து
முட்டி வலிக்க நிற்கின்றோம்
ஒருமைக்குள் வரவியலாமல்
மனிதர்களின் பெயரால்.
வி.அல்விற்.
11.06.2014.
கருத்துகள் இல்லை:
கருத்துரையிடுக