முதிர்கன்னி.
அவளது கண்கள்
ஏக்கங்களை விழுங்கி
குழிவடைந்து கொண்டிருக்கின்றன.
அவளது கன்னக்கதுப்புகள்
சற்றே உள்வளைகின்றன
காயத்தொடங்கும் பழுப்பேறிய
இலைகள் போல.
அவளது மனம் குதியாட்டமிடுவதை நிறுத்தி
நீண்ட காலமாகி விட்டதை
தளர்நடையின் மௌனம்
பேசிக்கொண்டிருக்கிறது.
அவளது தூக்கமிழந்த இரவுகளின்
விடியல்கள் கருமை சூழ்ந்தபடியேயிருக்கின்றன.
அவள் வீணாவதையிட்டு
அவர்களுக்கு கவலையில்லை.
அவர்கள் இன்னமும்...
முட்டையில் மயிர் பிடுங்கிக்கொண்டேயிருக்கிறார்கள்.
வி. அல்விற்.
10.01.2017.
கருத்துகள் இல்லை:
கருத்துரையிடுக