எழுந்து நில்!
சும்மா இருப்பது சுகம் என்றால்
சும்மா வராது எதுவும் கையில்
சும்மா இருப்பவனை சுமப்பதற்கு
சும்மா இருப்பவர்கள் குறைவிங்கே
சும்மா கிடக்கும் உடலம் கடைசியில்
சுமப்பதற்கும் நான்கு ஆளில்லாது
சுமந்து பார் வாழ்வை சவாலாக
சுற்றிப் பார் தேடல்களின் முடிவுகளை
சும்மா இல்லை எதுவும்
சுழன்று கொண்டிருக்கிறது வையகம்
சுயத்தோடு பலதும் தேடி ஓடு
சுற்றி வரும் அனுபவம் பொதிகளாய்
சுருண்டு மட்டும் நின்றிடாதே
சுக்குநூறாக்கும் எதிர்ச்சொல் கண்டு
சுவராய் உன்னை எழுப்பிக் கொள்
சுகமான வாழ்வு நனவாகி விடும்.
வி.அல்விற்.
09.01.2014.
கருத்துகள் இல்லை:
கருத்துரையிடுக