எவருடைய இருப்புக்கள்
இங்கே உறுதிப்படுத்தப் பட்டுள்ளன
அதீத தாகத்தோடிருக்கும் ஒருவனுக்குக்
கொடுக்கப்படும் ஒரு மிடறு நீர்போல்
கேள்விகள் விக்கலெடுத்து நிற்கின்றன
பறவையின் பறப்புக்களும்
மொட்டுக்களின் விரிதலும்
இலைகளின் உதிர்வும்
யாரிடமும் அனுமதி கேட்கவில்லை
ஆனால் இயல்பு நிலையில்
தம் கடன் செய்கின்றன
இங்கோ இறுக்கப்பட்ட இயலாமைகள்
உட்கார வைக்கப்பட்டிருக்கின்றன
வியாபாரம் தவிர்ந்த எதற்கும் அனுமதியின்றி
இருக்கையொன்று அசைந்தபோது
அதிலிருந்தொரு துர்நாற்றம் கிளம்பியது
தூரத்திலிருந்து ஓர் ஒப்பாரிச் சத்தம்
இந்த ஓலம் நாளை யாருக்கோ
எதுவுமே கைவசமில்லாததுபோல
எவருடைய இருப்புக்களும் இங்கே
உறுதிப்படுத்தப்படவில்லை
கருத்துகள் இல்லை:
கருத்துரையிடுக