சலங்கை மணிச் சிதறல் நகை 

மெல்லிசை இளங் காற்றுடன் 
எனைத் தழுவி கடக்க 
எட்டிப் பிடித்ததை 
எனக்குள் வைத்திருக்க
எண்ணித் துணியுமுன் 
உன் இமை மூடித்திறந்து 
ஆணியடித் தறைந் தென்னை
புயலாய் சுழன்றடித்துக் 
கடந்து போகிறாய்

உள்ளத்தை ஊடறுத்துக்
கள்ளத்தனம் செய்கிறாய்
உயிருடன் உறைய விட்டு
உரக்கச் சிரிக்கிறாய்
எதிலுமில்லை அசைவு என்போல்
என் னிதயத் துடிப்பு
உன் காதில் தூது வந்தும்
தூரத்தி லின்னும் கண் சிமிட்டுகிறாய்
கை கொடுத்துத் தூக்கிவிடு
எனக்காக வல்ல
உலகம் இயங்குவதற்காய்!

வி. அல்விற்.
31.01.2013.